Diola Dosti dhe partneri i saj i ri, Erolld Belegu, po përjetojnë një ëndërr në një nga resortet më luksoze të Bali-t. Çifti është zhytur në luksin e Bulgari Resort, ku një natë kushton më shumë se 1 mijë euro, dhe nuk kanë ngurruar të ndajnë me ndjekësit disa pamje që të lënë pa frymë.

Në fotot e postuara, Diola dhe Erolldi shfaqen të përqafuar, të zhytur në atmosferën shumëngjyrëshe dhe magjike të resortit. Fjalët e Diolës përshkruajnë çdo detaj: “Të mbështjellë në një ambient shumëngjyrësh dhe në perëndim, ne jemi të humbur në shoqërinë e njëri-tjetrit. Të rrethuar nga eleganca, megjithatë është e qeshura jonë ajo që mbush vërtet ajrin. Një mbrëmje perfekte ku koha ndalon. Momente luksoze.”

Çifti duket i lumtur, elegant dhe sensual, duke shfaqur kiminë dhe afërsi, ndërsa pamjet e ballkoneve të resortit dhe perëndimi i diellit shtojnë një atmosferë të ëmbël dhe të papërmbajtshme.

Fansat kanë shpërthyer në komente, duke përshkruar pamjet si një kombinim të luksit, dashurisë dhe sensualitetit. Diola dhe Erolldi nuk janë vetëm një çift – ata po bëjnë që çdo foto të duket si një skenë nga një film luksoz i pushimeve.